Бархасбадь бол Нарны систем дэх тав дахь гариг юм. Түүнийг Аварга том хийн гариг гэж нэрлэдэг ба учир нь уг гариг хийнээс тогтдог бөгөөд нарны системийн хамгийн том гариг нь юм. Түүний масс нь маш их ба нарны системийн бусад долоон гаригийн массын нийлбэрээс ч их байдаг. Бархасбадийн татах хүч дэлхийнхээс олон дахин их. Шөнө нь Цельсийн 1250 хэм халуун байх ба өглөө нь Цельсийн 1700 хэм халуун байна. Цацраг туяа ихтэй байдаг учраас 150 000 километрийн зайд байсан ч амь насанд аюултай хэмжээнээс 500 дахин их цацраг туяатай байдаг. Атмосферт нь гелий байдаг боловч ихэнх хувийг нь устөрөгч эзэлнэ. Ромын домгийн бурхны нэрээр нэрлэгдсэн (Jupiter).
2003 он гэхэд түүний 62 дагуулыг нээсэн байсан. 16 том дагуултай. Ио, Европ, Ганимед, Каллисто гэсэн хамгийн том дөрвөн сарыг нь Галилейн сарууд гэж нэрлэнэ.
Бархасбадийн атмосфер болон хэмжээ нь асар их даралтыг үүсгэдэг. Хэрэв уг гариг руу сансрын хөлөг илгээвэл тэр нь секундын дотор эвдрэх болно. Ийм учраас түүний атмосфер доор юу байгааг судалж чадахгүй байгаа. Бархасбадь гурван нимгэн цагирагтай.